Mbok Randha kang numpak
lesung amarga banjir saka sada lanang kang dijabut dening Baru Klinthing,
anggone numpak lesung tekan saparan-paran. Lekune Mbok Randha kang tanpa daya
kasebut lumaku mangalor nut ombaking banyu. Mbok Randha isih kelingan apa kang
diwelingke Baru Klinting, yen ana banjir bandhang supaya numpak lesung lan
enthok minangka welahan utawa ndayung. Lesung ditumpaki kaya dene prau, dene
enthok dadi welahan, kaya dene welahan prau kang sabenere.
Anggone numpak lesung kang kaya prau kasebut, ora krasa
wis tekan papan panggonan kang sepi, adoh parane saka papan sakawit. Mlkayune
prau mangalor terus saka papan kawitane banir. Lakune wis suwe nganthi
pirang-pirang dina. Weteng luwe ora dirasa, pancen wayahe banjir ora ana kang
dodol sega lan jajan liyane. Amarga saking kesele lan pegele, mula tangane Mbok
Randha nyawuk banyu arep kanggo ngombe. Kanthi ora sengaja ndemek lemah
lemah utawa daratan. Prau kang ditumpaki
uga kandhas. Amarga praune ora gelem mlaku lan kandhas, mula lakune Mbok Randha
mung tekan semene wae.
Tangane Mbok Randha ndemek lemah mau, banjur Mbok Randha
ngendika “yen ana rejane jaman, papan panggonan iki dakjenengke Demek.”
Kanthi lira-lirune pangucapan ing saben
dinane, tembung Demek wusana dadi Demok lan Demak.
Tidak ada komentar:
Posting Komentar